قوم اقف وانت بتكلمنى.. وزير الصحة ينقل طبيب لم يقف له

admin 02 يوليو 2017
عن موقع دكتور نيوز ويب

قال الدكتور محمد بركات، طبيب العظام فى مستشفى العلمين، إن وزير الصحة قرر نقله لمستشفي رأس الحكمة، عقابا له لأنه لم يقف عند دخول الوزير العيادة عليه فى المستشفي .
وحكى الطبيب الواقعة عبر صفحته على موقع التواصل الاجتماعى قائلا: ”
“التلات اللي فات اخر يوم العيد وزير الصحة كان عندنا ف مستشفي العلمين بيطمن علي حالة معرفة ليه، أنا كنت قاعد ف عيادة العضم بكشف علي عيان وبكتبله الحاجات اللي يجيبها عشان اجبسه.. جا الوزير وقالي انت ايه ؟عضم؟

قلت له ايوا قالي انا احمد عماد وزير الصحة قلت له اتفضل دخل العيادة وانفعل لما لقاني لسه قاعد وقالي لما اكلمك قوم اقف فوقفت وبعدين دخل بعده ناس تانية واحد منهم شاور عليه وقالي بصوت واطي وزير الصحة قلت له ايوا عارف دخلت بعدهم وكيلة المستشفي قالت لي ايه يا بركات بس؟ قلت لها ايه اللي حصل يا دكتورة؟.

الوزير كان معاه أشعة بص عليها علي فانوس العيادة واتناقش فيها مع زميلي الاكبر مني وبعدين خرج
عرفت بعدها أنه طلع لوكيلة المستشفي وقالها (دا يمشي من المستشفي)
تاني يوم الاربع المديرية كلمت المستشفي ع التليفون واخدوا اسمي
النهاردة انا اتبلغت بقرار ندبي مستشفي راس الحكمة”.

received_1688949301132356-300x193

    فيديوهات
    تابع صفحتنا علي الفيس بوك